المستشار رامی رسلان
المستشار رامی رسلان

للاجابة علي سؤال اتجوز مين!!.. بقلم.. المستشار: رامی رسلان

– اوعي تتجوز او تتجوزي عشان كبرت.
– اوعي تتجوز او تتجوزي عشان الاهل بيضغطوا عليكم.

الجواز مش عملية حسابية الجواز هي كيمياء الحب والتفاهم والتوافق. الجواز هو انك تعشق اللى هتتجوزه فى كل حالاته بعيوبه قبل مميزاته تعشقه بقى وهو منكوش وهو تعبان فى كل ؤقت من غير ماتمل.

اتجوزو لما تلاقو اللى الشخص اللى يومك ميكملش الا بيه اللى تمووت لو مسمعتش صوته يوم.

اتجوزو اللى يحتويكم اللى يحسسكم بالامان اللى يموت لو تزعلو.

اتجوزو اللى حنينين عليكم كفانا قسوه واجيال تطلع شارباها لو مش محتاجين الحنيه فكرو فى ولادكم اكيد هيحتاجوها.

اتجوزو الناس اللى تشوفكم من جوا مش اللى يختاروكم عشان شكل ولا فلوس.

اتجوزو اللى يفهمكم من نظره عين اللى تعشقو تبصو ف عيونه لو ساعات من غير كلام.

اتجوزى اللى يحسسك انك طفله صغيره يكون باباكى وحبيبك و صاحبتك و اخوكى وكل حاجه وانت اتجوز اللى تكون مراتك وحبيبتك و صاحبتك و مامتك فى حنيتها وبنتك وصاحبك لو لزم الامر تكون صاحبك اللى بتاخد رايه فى شغلك بتتفرج معاك ع الماتش اللى بتحبه تلعب معاك بلاى استيشن.

اتجوز اللى تديك مساحه لحياتك الشخصيه اللى متنكدش عليك كل ما تخرج مع اصحابك اللى تحسسك انك متجوزتش مش اللى كل شويه تفكرك بالمسؤليه اللى شايلها
اتجوز اللى تصغرك مش اللى تشيلك هموم وتعجز بدرى. وانتي اتجوزى اللى يهتم باادق تفاصيلك اللى يهتم بااهتماتك بتحبي ايه  اللى يفرحك من غير ماتحتاجى تقوليله انت بقالك فتره معملتش كذا وكذا  اللى يصغرك اللى تجننى وانتى معاه مش اللى كل شويه يفكرك انك بقيتى ام ومعدتيش صغيره مينفعش تعملى كذا وكذا اتجوزى اللى يساعدك على تحقيق طموحك مش يدفنه ويدفنك معاه..

اتجوزو اللى تبدؤ حياتكم معاه بالجواز مش اللى ينهى حياتكم بعد الجواز ب٤شهور وتبقى عباره عن ملل وروتين ومسؤليه.

اتجوزو اللى قلبكم يدق ليه لو لسه قلبكم مدقش متتجوزوش متدفنوش نفسكم بالحيا الحياه مش هتتعاش غير مره واحده ويوم ماتلاقوه متبصوش لا لسن ولا شكل ولا لعادات ولا لكلام الناس بصوا لفرحه قلوبكم وبس..

x

‎قد يُعجبك أيضاً

آية ممدوح

الطلاق للضرر ضد أخلاقيات الأسرة.. بقلم: آية ممدوح

الطلاق للضرر فى مصر يعتمد على وجود إيذاء لأحد الطرفين يجعل المعيشة لا تطاق أو تحتمل و ما يفشل القاضى ...